這陣子去了不少囍宴。許是時近年尾的緣故，大家都趕在金豬年內拉埋天窗吧！
總覺得，近幾年籌備囍宴的朋友們，都有點本末倒置地，把一對新人的婚宴，搞成像公司的Annual Dinner似的，又搞節目又搞遊戲又搞抽獎，卻不知是為了甚麼。
有次在某囍宴上，新郎邀請了其中一位兄弟，上台表演拉小提琴。他拉了首甚麼樂曲已經不記得了，只記得是跟新婚、愛情等完全無關的，也並非一對新人所喜愛的樂曲，十分無厘頭。如果他拉得有水準，也就算了，偏偏他又拉得不好，中途NG了好幾次，聽得我眉頭大皺。
另一次，一位素來喜愛唱K的新郎，敬完酒之後，就上台演唱一番，又張學友又陳奕迅的，陶醉其中，唱到停不了口！台下比較年輕的賓客也還可以接受，卻見許多年長一些的親友，個個呆望住個台，木無表情的，相當搞笑！
近排，婚宴又流行搞有獎遊戲。例如由司儀發問問題，給台下賓客舉手搶答，答中有獎金；可是所問問題又與新郎新娘完全無關，完全是為玩而玩，教人摸不頭腦。
──與其係咁，倒不如在婚宴上玩《一擲千金》，搵一大班姊妹列陣送錢，更有睇頭啦！
舒展超 | 14th Nov 2007, 19:23 PM |
大玩派‧《星島》副刊專欄 | (687 Reads)
[1]
|
我都係籌備緊婚禮,諗遊戲真係諗到頭痛,好多謝你0既意見! |
|
